ارسطو
| ارسطو | |
| |
| جمیا: | 384 BC |
| مریا : | 322 BC |
| کم : | فلاسفر |
ارسطو اک یونانی فلسفی افلاطون دا شاگرد اَتے سکندر دا استاد سی۔ اس نے طبعیات، مابعدالطبیات، شاعری، تھیٹر، موسیقی، منطق، تقریر، سیاست، حکومت، اخلاقیات، حیاتیات اتے حیوانیات دے بارے چ لکھیا۔ سقراط، افلاطون اتے ارسطو مفربی فلسفے دے مڑ سمجھے جاندے نیں۔
ارسطو پہلا بندہ سی جیہنے فلاسفی دا ایہو جیہا نظام بنایا جیہدے وچ اخلاقیات، سوہناپن، منطق، سائنس، سیاست اتے مابعدالطبعیات شامل نیں۔
ارسطو دیاں سوچاں نے دنیا نوں متاثر کیتا۔
جندڑی[سودھو]
ارسطو 384 بی سی اچ سٹیگیرا یونان اچ سالونیکا تون 55 کلومیٹر چڑھدے وچ جمیا۔ اوہدا پیو نایکوماچس مقدوونیہ دے بادشاہ دا حکیم سی۔ ارسطو دی سکھلائی اتے پڑھائی ارسٹوکریسی دے سنگی دی ہوئی۔ اوہ 18 ورھیاں دا سی جدوں اوہ ایتھنز افلاطون دی اکیڈیمی اچ پڑھن لئی گیا۔ اوتھے اوہ وِیہہ ورھے تک رہیا 343 م پ وچ مقدونیہ دا بادشاہ اوہنوں اپنے پتر سکندر دا گرو بنا دیندا اے۔ ارسطو مقدونیہ دی اکیڈیمی دا وی کرو بندا اے جتھے سکندر نال دو ہور وی اگلے ویلے بارشاہ اوہدے شگرد سن۔ اپنی کتاب پولیٹکس اچ ارسطو لکھدا اے صرف اک حالت اچ بادشاہی جائز اے جدوں بارشاہ اتے شاہی خاندان دیاں نیکیاں عام لوکاں توں ودھ ہوݨ۔ بڑی ذہانت نال اوہنے بادشاہ تے اوہدے پتر نوں ایس گٹھ وچ رلایا۔ ارسطو نے سکندر نوں چڑھدے پاسے ول ہلہ بولن دی صلاع دتی۔ اک مشہور مسال اچ اوہنے سکندر نوں آکھیا جے اوہ یونانیاں دا سردار تے دوجیاں لئی ظالم ہوجاۓ۔ 335 م پ وچ اوہ دوبارہ ایتھنز آندا اے تے ایتھے اک سکول بناندا اے جیہڑا لائیسیم دے ناں توں مشہور سی۔ ارسطو نے اگلے 12 ورھے تیکر اوتھے پڑھایا۔ اوہ ایتھنز اچ سی جدون اوہدی ٹبری پائیتھیاس مر جاندی اے تے اوہ ہرپلس نال ملدا اے جیہدے توں اوہدا اک نیانا وی ہوندا اے۔ 335 توں 332 م پ دا ای ویلہ سی جدوں اوہنے کئی ڈائیلاگ لکھے۔ ارسطو نے اپنے ویلے دے جنے مضمون سی سارے پڑھے۔ اوہنے ایہناں مضموناں دے وچ وادھے کیتے۔
فزیکل سائینس وچ اوہنے اناٹومی اسٹرانومی ایمبریالوجی جیوکرافی جیالوجی میٹیریالوجی زوالوجی تے فزکس پڑھے۔ فلاسفی اچ اوہنے ایستھیٹکس، ایتھکس، سرکار، میٹا فزکس، سیاست اکنامکس نفسیات، رہیٹورک تے دینیات تے آرٹیکل لکھے۔ ایہدے نال اوہنے ساہت اتے شاعری وی پڑھے۔ ایہہ کہیا جاندا اے جے انسانی تریخ چ ارسطو آخری بندا سی جیہنے اپنے ویلے دے سارے سبجیکٹس پڑھے۔
سکندر دے مرن تے ایتھنز دے لوک اوہدے خلاف ہوگۓ اَتے ارسطو نوں ایہہ کہہ کے ایتھنز توں نسنا پیا جے اوہ ایتھنز والَیاں نوں ایس گل دی اجازت نئیں دے گا جے اوہ فیر فلاسفی دے خلاف گناہ کرن۔ 322 م پ وچ اوہدی موت ہوجاندی اے۔
ارسطو دے سیانے بول[سودھو]
- جینے اپنے ڈر تے قابو پایا اوہ ای سچا ازاد اے۔
- کسے وی لوک راج دی نیہہ ازادی اے۔
- فنون ترتیب اے تے ودیا قنون ودیا ترتیب اے۔
- زنانیاں لئی ویاہ کرن دا ٹھیک ویلہ 18 تے جنیاں لئی 37 ورھے نیں۔
