कनेक्तिकत

कनेक्तिकत उत्तरपूर्वी संयुक्त राज्य अमेरिकाया छगू राज्य ख। थ्व राज्यया सीमाय् पूर्वत् रोद आइल्यान्द, उत्तरय् म्यासेच्युसेत्स, न्युयर्कया राज्य पश्चिमय् व दक्षिणय् ला।

थ्व राज्यया नां कनेक्तिकत खुसिया नामं वःगु ख। कनेक्तिकत खुसि छगू मू अमेरिकी खुसि ख गुकिलिं थ्व राज्यया राजधानी हार्तफर्दयात निगु भागय् बाइ। कनेक्तिकतया आपालं दक्षिणी व पश्चिमी भूभाग व थ्व राज्यया मू जनसंख्या न्यु यर्क महानगरया अधीनय् ला। कनेक्तिकतया ८गुइ ३गु काउन्ति ताथ्याङ्किक कथं न्युयर्क तथ्याङ्क क्षेत्रय् ला। थ्व क्षेत्रयात त्राइ स्तेत एरिया नं धाइगुया। कनेक्तिकतया केन्द्रिय जनसंख्या चेशायर, न्यु ह्याभेनय् दु। ^[९] थ्व थाय् नं त्राइ स्तेत एरियाय् हे ला।

कनेक्तिकत संराअमेरिकाया २९गु दक्कले अप्व जनसंख्या दूगु राज्य ख। थ्व राज्यया जनसंख्या ३।५ मिलियन दु। क्षेत्रफल कथं थ्व राज्य ४८गु दक्कले तःधंगु राज्य ख। अतः, थ्व राज्य ४गु दक्कले अप्व जनघनत्त्व दूगु राज्य नं ख। कन्स्तित्युसन (वा संविधान) राज्य, नतमेग राज्य व ल्यान्द अफ स्तिदि ह्याबित्स थ्व राज्यया मेमेगु नां ख। ^[४] थ्व राज्यं अमेरिकाया संघीय स्वरुप निर्धारण याइगुलि निर्धारक भूमिका म्हितुगु दु।

थ्व राज्यया दक्कले न्हापांगु वासी दच मनुत ख। दचतयेसं हार्तफोर्दया पार्क खुसि व कनेक्तिकत खुसिया दोभानय् चिधंगु व अप्व ई तक्क मम्वागु फोर्त हूप धाःगु थाय् पलिस्था यात। न्हापा बच्छि कनेक्तिकत दच कोलोनीया रुपय् न्यु निदरल्यान्द जुयाच्वन गुकिलि कनेक्तिकत व देलावेर खुसिया यक्व भूभाग ला।

थ्व राज्यया प्रथम तःधंगु वस्ती सन् १६३०इ अंग्रेजी मनुतयेसं दयेकल। तमस हुकरया नेतृत्त्वय् वःपिं मनुतयेसं म्यासेचुसेत्स बे कोलोनीं थन वया बस्तीया पलिस्था यात। थ्व बस्ती लिपा सेब्रुक कोलोनी व न्यु हाभेन कोलोनीनाप कनेक्तिकत कोलोनी जुवन। थ्व निगु कोलोनीं फन्दामेन्तल अर्दर्स अफ कनेक्तिकत जारी याना उत्तर अमेरिकाय् दक्ले न्हापांगु संविधान दयेकल। सन् १६६२इ थ्व स्वंगु उपनिवेश शाही चार्तरया अधीनय् छगू जुवन, थुकिया लिच्वः कथं कनेक्तिकत छगू क्राउन कोलोनी जुवन। थ्व कोलोनी बेलायती उपनिवेशतयेगु विरोधय् अमेरिकी स्वतन्त्रया संग्रामय् आन्दोलन याइगु १३गु उपनिवेशय् छगू ख।

कनेक्तिकत खुसि, तेम्स खुसि व लङ्ग आइल्यान्द साउन्दया बन्दरगाहतयेसं थ्व राज्ययात बल्लागु नाविक परम्परा ब्युगु दु। कनेक्तिकतया मेमेगु सांस्कृतिक उद्योगय् आर्थिक सेवा: दसु इन्स्योरेन्स कम्पनी, हेज फन्द आदि ला। सन् २०१०या जनगणना कथं थ्व राज्यय् दक्ले अप्व प्रतिव्यक्ति आय, मानव विकास परिसूचक (०.९६२), व दक्ले अप्व हाउसहोल्द इन्कम दु। ^{[१०][११][१२]} कनेन्तिकत छगू तःमि राज्य जुसां थ्व राज्यया नगरी, उपनगरी व ग्रामीन आय यक्व पा। नापं थ्व राज्यया नगरी गरिबी देय्या हे दक्ले अप्व दु गुकिलिं याना थ्व राज्यया छुं नगरतयेत देय्या हे दक्कले ग्यानापुगु नगरया रुपय् स्थापित याःगु दु।^{[१३][१४]}

इतिहास[सम्पादन]

भूगोल[सम्पादन]

थ्व राज्यया नगरक्षेत्र (सिटी) थ्व कथं दु-

• एन्सोनिया
• ब्रिजपोर्ट
• ब्रिस्टल
• ड्यानबरी
• डर्बी
• ग्रोटन
• हार्तफर्द
• मेरिडेन
• मिडलटाउन
• न्यु ब्रिटेन
• न्यु ह्याभेन
• न्यु लंडन
• नरवाक
• नरविच
• शेल्टन
• स्ट्यामफर्ड
• टरिंगटन
• वाटरबरी
• वेस्ट ह्याभेन

अर्थतन्त्र[सम्पादन]

लिधंसा[सम्पादन]

1. ↑ Population Estimates for All Places: 2000 to 2006: Connecticut SUB-EST2006-04-09.xls. United States Census Bureau. Retrieved 2007-10-16.
2. ↑ State Data from the State and Metropolitan Area Data Book: 2006. United States Census Bureau. Retrieved 2007-10-16.
3. ↑ Connecticut QuickFacts from the US Census Bureau. United States Census Bureau. June 15, 2011 कथं।
4. ↑ ^{४.० ४.१ ४.२ ४.३ ४.४} Cite error: Invalid <ref> tag; no text was provided for refs named SOTS
5. ↑ Cite error: Invalid <ref> tag; no text was provided for refs named cslib
6. ↑ United States Government Printing Office Style Manual (2000), §5.23, http://www.gpoaccess.gov/stylemanual/index.html
7. ↑ SHG Resources, http://www.shgresources.com/resources/symbols/names/residentnames/
8. ↑ ^{८.० ८.१} Elevations and Distances in the United States. U.S Geological Survey (29 April 2005). 2006-11-03 कथं।
9. ↑ State of Connecticut Center of Population - From ngs.noaa.gov. मूलिधंसाय् तिथि 2010-11-18 कथं। 2009-01-30 कथं।
10. ↑ "Highest wages in East, lowest in South", USA Today, 29 November 2005. Retrieved on 2010-04-30.
11. ↑ Census 2000. United States Census Bureau (18 March 2000). मूलिधंसाय् तिथि 2010-11-18 कथं।
12. ↑ "US slips down development index", BBC, 17 July 2008.
13. ↑ "Income Gap in Connecticut Is Growing Fastest, Study Finds", The New York Times, 2008-04-09.
14. ↑ http://os.cqpress.com/citycrime/2010/City_crime_rate_2010-2011_hightolow.pdf

स्वया दिसँ[सम्पादन]

• कनेक्टिकटया थाय्तयेगु धलः
• संयुक्त राज्य अमेरिका

पिनेया स्वापूत[सम्पादन]

• अमेरिकी सरकारया वेबथाय्

विकिमिडिया मंका य् थ्व विषय नाप स्वापु दुगु मिडिया दु: Connecticut