Jump to Content

ყველაფერი, რაზეც Google თქვენთვის მუშაობს

შედით თქვენს Google ანგარიშში, რათა თქვენ მიერ გამოყენებული Google სერვისების ყველა შესაძლებლობით ისარგებლოთ. თქვენი ანგარიშის მეშვეობით შეგიძლიათ არა მხოლოდ Google-ის ფუნქციების თქვენზე მორგება, არამედ თქვენს ყველაზე მნიშვნელოვან ინფორმაციაზე მარტივად წვდომა, სადაც არ უნდა იმყოფებოდეთ.

Google-icons

გეხმარებათ

როცა სისტემაში შესული ხართ, თქვენ მიერ გამოყენებული ყველა Google სერვისი ურთიერთქმედებს და გეხმარებათ ისეთი ყოველდღიური ამოცანების უფრო მარტივად შესრულებაში, როგორიცაა, მაგალითად, Gmail-ის სინქრონიზაცია Google Calendar-თან და Google Maps-თან, რათა არასოდეს ჩამორჩეთ თქვენს განრიგს.

შექმნილია თქვენთვის

მნიშვნელობა არ აქვს, რომელ მოწყობილობასა თუ Google სერვისს იყენებთ, თქვენი ანგარიში გთავაზობთ თანმიმდევრულ ფუნქციებს, რომელთა მორგება და მართვაც ნებისმიერ დროს შეგიძლიათ.

გიცავთ

თქვენი Google ანგარიში დაცულია უსაფრთხოების მოწინავე ფუნქციებით, რომლებიც ავტომატურად აღმოაჩენს და ბლოკავს საფრთხეებს, სანამ ისინი თქვენამდე მოაღწევს.

მუდამ მზად დასახმარებლად

Google სერვისები — იქნება ეს Chrome თუ YouTube — უკეთ მუშაობს და უფრო სასარგებლო ხდება, როცა შესული ხართ სისტემაში. თქვენი ანგარიშის მეშვეობით ნებისმიერ მოწყობილობაზე ისარგებლებთ ისეთი დამხმარე ფუნქციებით, როგორიცაა, მაგალითად, ავტომატური შევსება, პერსონალური რეკომენდაციები და ბევრი სხვა.
ავტომატური შევსება
უკეთესი ფუნქციები თქვენთვის
შეინარჩუნეთ კავშირი მთელ ინტერნეტში

ავტომატური შევსება

თქვენი Google ანგარიში დროის დაზოგვაში გეხმარებათ — მასში შენახული ინფორმაციის მეშვეობით შეგიძლიათ პაროლების, მისამართების და გადახდის დეტალების ავტომატურად შევსება.

autofill

უკეთესი ფუნქციები თქვენთვის

თქვენს Google ანგარიშში შესვლის შემდეგ ყველა Google სერვისი, რომელსაც იყენებთ, დაიწყებს ურთიერთქმედებას, რომ მეტი ამოცანის შესრულებაში დაგეხმაროთ. მაგალითად, დადასტურებული ავიაბილეთების შესახებ Gmail-ში მიღებული ინფორმაცია ავტომატურად სინქრონიზდება თქვენს Google Calendar-თან და Google Maps-თან, რომ აეროპორტში დროულად მიხვიდეთ.

Works better for you

შეინარჩუნეთ კავშირი მთელ ინტერნეტში

YouTube ვიდეოების სხვადასხვა მოწყობილობიდან ყურების გაგრძელების შესაძლებლობა თუ თქვენი კონტაქტებისა და რჩეული Play Store აპების მუდმივი ხელმისაწვდომობა — სისტემაში ერთი შესვლით Google-ში ყველა ფუნქციით დაუბრკოლებლად ისარგებლებთ. ასევე, თქვენი Google ანგარიში გეხმარებათ მარტივად შეხვიდეთ მესამე მხარის აპებში უსაფრთხოდ და სწრაფად, რათა თქვენ მიერ არჩეული პარამეტრებით Google-ის გარეთაც ისარგებლოთ.

Stay connected

პირადად თქვენთვის

თქვენი Google ანგარიშის მეშვეობით თითოეული Google სერვისი, რომელსაც იყენებთ, პირადად თქვენზე მორგებული იქნება. პარამეტრებზე და კონფიდენციალურობისა თუ პერსონალიზების მართვის საშუალებებზე წვდომისთვის, უბრალოდ, შედით სისტემაში ნებისმიერი მოწყობილობიდან.
მყისიერი წვდომა
კონფიდენციალურობის მართვის პარამეტრები
უსაფრთხო სივრცე თქვენი ინფორმაციისთვის

მყისიერი წვდომა

თქვენს მონაცემებსა და პარამეტრებს ერთი დაწკაპუნება გაშორებთ. უბრალოდ, შეეხეთ თქვენს პროფილის სურათს და გადადით „თქვენი Google ანგარიშის მართვის“ ბმულზე. პროფილის სურათიდანვე მარტივად შეგიძლიათ სისტემაში შესვლა, სისტემიდან გამოსვლა ან ინკოგნიტო რეჟიმის ჩართვა.

Instant access

კონფიდენციალურობის მართვის პარამეტრები

როცა საქმე კონფიდენციალურობას ეხება, ერთი პირობა ყველას ვერ მოერგება. სწორედ ამიტომ, თითოეულ Google ანგარიშში ხელმისაწვდომია სხვადასხვა მარტივად გამოსაყენებელი მართვის საშუალება და ხელსაწყო, როგორიცაა, მაგალითად, კონფიდენციალურობის შემოწმება, რომლებიც კონფიდენციალურობის საჭირო პარამეტრების არჩევაში დაგეხმარებათ. გარდა ამისა, ჩართვა/გამორთვის მარტივი გადამრთველებით შეგიძლიათ გააკონტროლოთ, რომელი მონაცემები შეინახოს თქვენს ანგარიშში, ანდაც წაშალოთ თქვენი მონაცემები თარიღების, პროდუქტებისა და თემების მიხედვით.

Privacy Control

უსაფრთხო სივრცე თქვენი ინფორმაციისთვის

თქვენი Google ანგარიში გთავაზობთ უსაფრთხო, ერთიან სივრცეს, რომელშიც შეგიძლიათ შეინახოთ თქვენი პერსონალური ინფორმაცია, მაგალითად, საკრედიტო ბარათების მონაცემები, პაროლები და კონტაქტები, შემდეგ კი გამოიყენოთ ის ინტერნეტში, როცა დაგჭირდებათ.

safe place

თქვენი ინფორმაციის კონფიდენციალურობის, უსაფრთხოებისა და დაცულობისთვის

თქვენს Google ანგარიშში შენახული მთელი ინფორმაციის დაცვა არასოდეს ყოფილა ასე მნიშვნელოვანი. სწორედ ამიტომ, თითოეულ ანგარიშში ჩაშენებულია დაცვის ძლიერი საშუალებები და ხელსაწყოები, როგორიცაა უსაფრთოხების შემოწმება და Google პაროლების მმართველი.
ჩაშენებული უსაფრთხოება
უსაფრთხოების შემოწმება
Google პაროლების მმართველი

ჩაშენებული უსაფრთხოება

თქვენი Google ანგარიში ავტომატურად იცავს თქვენს პერსონალურ ინფორმაციას, პარალელურად კი მის კონფიდენციალურობასა და უსაფრთხოებას უზრუნველყოფს. თითოეულ ანგარიშს მოყვება ისეთი ძლიერი ფუნქციები, როგორიცაა, მაგალითად, სპამის ფილტრები — რომლებიც ბლოკავს სახიფათო ელფოსტის 99,9%-ს, სანამ ის თქვენამდე მოაღწევს — და პერსონალური შეტყობინებები უსაფრთხოებასთან დაკავშირებით, რომლებიც გაგაფრთხილებთ საეჭვო აქტივობისა თუ მავნე კოდის შემცველი ვებსაიტების შესახებ.

Built-in security

უსაფრთხოების შემოწმება

ეს მარტივი ხელსაწყო გთავაზობთ პერსონალურ რეკომენდაციებს ანგარიშის დაცვასთან დაკავშირებით.

Security checkup

Google პაროლების მმართველი

თქვენს Google ანგარიშში ჩაშენებულია პაროლების მმართველი, რომელიც უსაფრთხოდ ინახავს თქვენს პაროლებს ერთ სივრცეში, რომელზე წვდომაც მხოლოდ თქვენ შეგიძლიათ.

Google password manager

თქვენი Google იწყება აქ