1967

Árþúsund:	2. árþúsundið
Aldir:	19. öldin; 20. öldin ; 21. öldin;
Áratugir:	1941–1950; 1951–1960; 1961–1970; 1971–1980; 1981–1990;
Ár:	1964; 1965; 1966; 1967; 1968; 1969; 1970;

Árið 1967 (MCMLXVII í rómverskum tölum) var 67. ár 20. aldar og almennt ár sem hófst á sunnudegi samkvæmt gregoríska tímatalinu.

Atburðir

Janúar

Veggspjald fyrir Human Be-In-hátíðina í San Francisco.

1. janúar - Í Kanada hófust hátíðahöld vegna 100 ára afmælis sambandsríkisins.
2. janúar - Ronald Reagan tók við embætti ríkisstjóra í Kaliforníu.
5. janúar - Síðasta kvikmynd Charlie Chaplin, Greifynjan frá Hong Kong, var frumsýnd í London.
5. janúar - Menningarbyltingin í Kína: Sjanghækommúnan var stofnuð.
8. janúar - Víetnamstríðið: Cedar Falls-aðgerðin, stærsta aðgerð Bandaríkjahers á jörðu niðri, hófst.
13. janúar - Étienne Eyadema leiddi herforingjabyltingu í Tógó.
14. janúar - Útihátíðin Human Be-In átti sér stað í Golden Gate Park í San Francisco þar sem Timothy Leary mælti hin frægu orð „Turn on, tune in, drop out“.
15. janúar - Gífurlegt hrun varð úr Innstahaus, nyrst við Steinsholtsjökul, sem er skriðjökull norður úr Eyjafjallajökli.
18. janúar - Albert DeSalvo var dæmdur í lífstíðarfangelsi fyrir nauðganir og rán, en deilt er um hvort hann hafi verið raðmorðinginn sem var kallaður Boston-kyrkjarinn.
23. janúar - Í München hófust réttarhöld yfir Wilhelm Harster sem var yfirmaður leynilögreglu nasista í Hollandi í síðari heimsstyrjöld.
23. janúar - Bærinn Milton Keynes var stofnaður á Englandi.
26. janúar - Breska þingið ákvað að þjóðnýta 90% af breska stáliðnaðinum.
26. janúar - 58 cm af snjó féllu í Chicago-hríðinni 1967 sem var met.
27. janúar - Þrír bandarískir geimfarar fórust þegar kviknaði í Apollo-geimflaug á lendingarpalli við æfingar.
27. janúar - Bandaríkin, Sovétríkin og Bretland undirrituðu Útgeimssamninginn um bann við gjöreyðingarvopnum í geimnum.

Febrúar

Opna úr Madrídarhandriti Leonardo da Vinci.

3. febrúar - Síðasta aftakan með hengingu átti sér stað í Ástralíu, þegar Ronald Ryan var hengdur fyrir morð á fangaverði.
5. febrúar - Herforinginn Anastasio Somoza Debayle varð forseti Níkaragva.
5. febrúar - NASA sendi geimkönnunarfarið Lunar Orbiter 3 á loft.
6. febrúar - Forsætisráðherra Sovétríkjanna, Alexej Kosygin, kom í átta daga opinbera heimsókn til Bretlands.
7. febrúar - Yfir 60 fórust og 2500 ferkílómetrar lands eyðilögðust í kjarreldum á Tasmaníu.
7. febrúar - Stjórn Alþýðulýðveldisins Kína tilkynnti að hún gæti ekki lengur ábyrgst öryggi starfsfólks sovéska sendiráðsins í Beijing vegna mótmæla.
8. febrúar - Sænska orrustuþotan Saab 37 Viggen flaug jómfrúarflug sitt.
11. febrúar - Rannsóknarstofnunin British Antarctic Survey kortlagði í fyrsta sinn Burgess-ísdrögin á Suðurskautslandinu.
13. febrúar - Bandarískir rannsakendur uppgötvuðu Madrídarhandrit Leonardo da Vinci í Landsbókasafni Spánar.
18. febrúar - Héraðssaksóknari í New Orleans, Jim Garrison, lýsti því yfir að hann hygðist leysa gátuna um morðið á Kennedy.
22. febrúar - Suharto tók við völdum í Indónesíu.
22. febrúar - Donald Sangster varð forsætisráðherra Jamaíku.
23. febrúar - 25. viðauki bandarísku stjórnarskrárinnar var samþykktur.
23. febrúar - Trínidad og Tóbagó varð fyrsta samveldislandið sem gerðist aðili að Samtökum Ameríkuríkja.
24. febrúar - Sovétríkin bönnðu leppríkjum sínum að eiga í stjórnmálasambandi við Vestur-Þýskaland.
25. febrúar - Stjórn Alþýðulýðveldisins Kína fyrirskipaði hernum að taka þátt í vorsáningunni.

Mars

Walt Disney skoðar plasthöfuð fyrir Pirates of the Caribbean draugalestina í Disneylandi.

1. mars - Austurríski fangabúðastjórinn Franz Stangl var handtekinn í Brasilíu.
1. mars - Tónlistarhúsið Queen Elizabeth Hall var opnað á South Bank í London.
1. mars - Óscar Gestido tók við embætti forseta Úrúgvæ.
4. mars - Fyrsta Norðursjávargasleiðslan var tekin í notkun við Easington í Austur-Yorkshire.
9. mars - Svetlana, dóttir Jósefs Stalín, leitaði hælis á Vesturlöndum og fékk landvistarleyfi í Bandaríkjunum.
10. mars - Stórbruni varð á horni Vonarstrætis og Lækjargötu í Reykjavík og brunnu þar þrjú hús til grunna.
10. mars - Fyrsta smáskífa Pink Floyd kom út í London.
11. mars - Borgarastyrjöldin í Kambódíu hófst.
12. mars - Þing Indónesíu lýsti Sukarno forseta valdalausan og skipaði Suharto starfandi forseta.
12. mars - Fyrsta breiðskífa Velvet Underground, The Velvet Underground & Nico, kom út í Bandaríkjunum.
17. mars - Fyrsta hljómplata Grateful Dead kom út.
18. mars - Torrey Canyon-slysið: Olíuflutningaskipið Torrey Canyon strandaði milli Land's End og Scilly-eyja á Bretlandi.
18. mars - Draugalestin Pirates of the Caribbean var opnuð í Disneylandi.
19. mars - Meirihluti íbúa í Franska Sómalílandi kaus með áframhaldandi sambandi við Frakkland í umdeildri þjóðaratkvæðagreiðslu.
21. mars - Charles Manson var leystur úr fangelsinu Terminal Island þrátt fyrir að hafa óskað eftir að fá að vera lengur.
26. mars - 10.000 manns mættu á Central Park be-in í New York-borg.
29. mars - Fyrsti franski kjarnorkukafbáturinn, Le Redoutable, var sjósettur.
29. mars - Sæstrengurinn SEACOM milli Hong Kong og Malasíu var tekinn í notkun.
31. mars - Á Raufarhöfn mældist 205 cm snjódýpt sem þótti með fádæmum í þéttbýli á Íslandi.

Apríl

4. apríl - Martin Luther King Jr. fordæmdi Víetnamstríðið í predikun í New York-borg.
7. apríl - Sex daga stríðið (aðdragandi): Ísraelskar orrustuþotur skutu niður sex sýrlenskar MIG-21-orrustuþotur.
8. apríl - Bretland sigraði Söngvakeppni evrópskra sjónvarpsstöðva 1967 með laginu „Puppet On a String“ sem Sandie Shaw söng.
9. apríl - Fyrsta Boeing 737-flugvélin flaug jómfrúarflug sitt.
10. apríl - Kvikmyndin Maður allra tíma (A Man for All Seasons) vann Óskarsverðlaun sem besta myndin.
15. apríl - Um 250 þúsund Bandaríkjamenn mótmæltu Víetnamstríðinu í New York-borg í Bandaríkjunum.
20. apríl - Lendingarfarið Surveyor 3 lenti á tunglinu.
21. apríl - Herforingjastjórn undir forystu Georgíos Papadopoulos framdi valdarán í Grikklandi.
24. apríl - Sovéski geimfarinn Vladimir Komarov fórst þegar geimflaugin Sojús 1 hrapaði til jarðar.
24. apríl - Russell-dómstóllinn eða „Alþjóðlegi stríðsglæpadómstóllinn“ kom saman í Stokkhólmi.
28. apríl - Bandaríski hnefaleikamaðurinn Muhammad Ali hafnaði herþjónustu og var þá sviptur öllum titlum og bannað að keppa í þrjú ár.
28. apríl - Heimssýningin Expo 67 var opnuð í Montreal í Quebéc, Kanada.
28. apríl - Flugvélaframleiðandinn McDonnell Douglas var stofnaður við sameiningu tveggja framleiðenda.
29. apríl - Þorskastríðin: Breskur togari sem tekinn hafði verið fyrir landhelgisbrot sigldi úr höfn í Reykjavík með tvo íslenska lögregluþjóna um borð.

Maí

1. maí - IBM á Íslandi var stofnað.
1. maí - Elvis Presley giftist Priscillu Beaulieu í Las Vegas.
1. maí - Anastasio Somoza Debayle varð forseti Níkaragva.
4. maí - Bandaríkjamenn sendu geimkönnunarfarið Lunar Orbiter 4 á braut um tunglið.
6. maí - Zakir Husain varð fyrsti forseti Indlands úr röðum múslima.
6. maí - Uppþotin í Hong Kong 1967 hófust.
9. maí - Argentínski hjartalæknirinn René Gerónimo Favaloro framkvæmdi fyrstu kransæðahjáveituaðgerð sögunnar.
10. maí - Russell-dómstóllinn í Stokkhólmi úrskurðaði að Bandaríkin hefðu brotið alþjóðalög með stríðsrekstri í Indókína.
12. maí - Hljómsveitin Jimi Hendrix Experience gaf út metsöluplötuna Are You Experienced.
15. maí - Fyrsta íslenska sjónvarpsleikritið var frumsýnt: Jón gamli eftir Matthías Johannessen.
15. maí - Biðtíminn í aðdraganda sex daga stríðsins hófst með liðssöfnun Egypta á Sínaískaga.
22. maí - Yfir 300 létu lífið þegar eldur braust út í stórmarkaðnum À l'Innovation í Brussel.
23. maí - Kanadíska almenningssamgöngukerfið GO Transit hóf starfsemi.
23. maí - Egyptaland lokaði Tíransundi fyrir ísraelskum skipum.
26. maí - Áttunda breiðskífa Bítlanna, Sgt. Pepper's Lonely Hearts Club Band, kom út.
30. maí - Suðausturhluti Nígeríu lýsti yfir sjálfstæði undir nafninu Biafra. Í ágúst gerðu nígerískar hersveitir innrás í Biafra og þar með hófst Biafrastyrjöldin, sem stóð til 1970.

Júní

2. júní - Mótmæli gegn heimsókn Mohammad Reza Pahlavi í Vestur-Berlín leiddu til stofnunar 2. júní-hreyfingarinnar.
4. júní - Reykjavíkurganga var haldin til að minna á baráttuna gegn erlendri hersetu.
5. júní - Surtseyjargosinu lauk. Það hafði þá staðið yfir í þrjú og hálft ár.
5. júní - Sex daga stríðið hófst með loftárásum Ísraelshers á flugvelli í Egyptalandi.
6. júní - Sex daga stríðið: Ísrael lagði Gasaströndina undir sig og Egyptar lokuðu fyrir umferð um Súesskurðinn.
7. júní - Sex daga stríðið: Ísraelsher lagði Austur-Jerúsalem undir sig.
8. júní - Ísraelsher réðist fyrir mistök á bandaríska njósnaskipið USS Liberty á Miðjarðarhafi.
10. júní - Margrét, krónprinsessa Dana, giftist Henri de Laborde de Monpezat í Kaupmannahöfn.
10. júní - Sex daga stríðinu lauk með vopnahléi milli Ísraels og Sýrlands fyrir milligöngu Sameinuðu þjóðanna.
11. júní - Alþingiskosningar voru haldnar á Íslandi. Viðreisnarstjórnin hélt meirihluta sínum.
12. júní - Sovétríkin sendu geimkönnunarfarið Venera 4 til Venus.
14. júní - Haldið var upp á 800 ára afmæli Kaupmannahafnar með kaffi og pönnukökum á Strikinu.
14. júní - Bandaríkjamenn sendu geimkönnunarfarið Mariner 5 til Venus.
16. júní - Tónlistarhátíðin Monterey International Pop Festival var haldin í Kaliforníu.
17. júní - Alþýðulýðveldið Kína framkvæmdi sína fyrstu tilraun með vetnissprengju.
19. júní - Kvennaheimilið Hallveigarstaðir var vígt í Reykjavík.
25. júní - 400 milljónir manna sáu sjónvarpsþáttinn Our World sem sýndur var í beinni í gegnum gervihnött. Bítlarnir frumfluttu þar lagið „All You Need Is Love“.
27. júní - Fyrsti hraðbanki heims var settur upp í Barclays í Enfield Town á Englandi.

Júlí

1. júlí - Kanada fagnaði 100 ára afmæli kanadíska ríkjasambandsins.
1. júlí - Evrópubandalagið var myndað með sameiningu stofnana Efnahagsbandalags Evrópu, Kola- og stálbandalags Evrópu og Kjarnorkubandalags Evrópu.
1. júlí - Breska sjónvarpsstöðin BBC2 hóf útsendingar í lit.
3. júlí - Belgíski málaliðinn Jean Schramme hóf uppreisn í Katanga í Lýðstjórnarlýðveldinu Kongó.
3. júlí - Virðisaukaskattur upp á 10% var tekinn upp í Danmörku.
5. júlí - Hersveitir Jean Schramme reyndu að hertaka Stanleyville í Lýðstjórnarlýðveldinu Kongó, en mistókst þrátt fyrir mikið mannfall innan kongóska hersins.
6. júlí - Borgarastyrjöldin í Nígeríu: Nígeríuher gerði innrás í aðskilnaðarhéraðið Bíafra.
10. júlí - Yfir 370 létust í miklum rigningum í Kobe og Kure í Japan.
10. júlí - Nýja-Sjáland tók upp dali í stað punda.
12. júlí - Langa heita sumarið 1967: Uppþotin í Newark 1967 leiddu til 26 dauðsfalla.
18. júlí - Breski herinn tilkynnti lokun herstöðva í Malasíu og Singapúr, þrátt fyrir mótmæli frá Ástralíu og Bandaríkjunum.
23. júlí - Langa heita sumarið 1967: Uppþotin í Detroit 1967 ollu 43 dauðsföllum. 1400 byggingar brunnu.
24. júlí - Charles De Gaulle mælti orðin „Vive le Québec libre“ í ræðu í Québec og var litið á þau sem stuðningsyfirlýsingu við sjálfstæði fylkisins.
29. júlí - 240 létu lífið þegar jarðskjálfti reið yfir Caracas í Venesúela.
30. júlí - Langa heita sumarið 1967: Uppþotin í Milwaukee 1967 hófust.

Ágúst

Hæstaréttardómarinn Thurgood Marshall árið 1967.

1. ágúst - Bandaríska hraðlestin UAC TurboTrain fór í jómfrúarferð sína.
2. ágúst - Tyrkneska knattspyrnuliðið Trabzonspor var stofnað í Trabzon.
5. ágúst - Fyrsta breiðskífa Pink Floyd, The Piper at the Gates of Dawn, kom út.
6. ágúst - Jocelyn Bell og Antony Hewish námu merki frá tifstjörnu í fyrsta skipti með sérstökum stjörnukíki.
8. ágúst - Samband Suðaustur-Asíuríkja (ASEAN) var stofnað í Bangkok, Taílandi.
10. ágúst - Tvær hraðlestar skullu saman utan við Óðinsvé í Danmörku með þeim afleiðingum að 11 létust og 36 slösuðust,
13. ágúst - Fyrsta útgáfa hljómsveitarinnar Fleetwood Mac kom fram á Windsor Jazz and Blues Festival í Bretlandi.
14. ágúst - Sjóræningjaútvarpsstöðin Wonderful Radio London hætti útsendingum kl. 3 síðdegis daginn áður en Lög um útsendingabrot á sjó 1967 tóku gildi í Bretlandi.
21. ágúst - Tvær bandarískar orrustuþotur voru skotnar niður í kínverskri lofthelgi. Flugmanninum Robert J. Flynn var haldið föngnum til 1973.
23. ágúst - Frægur knattspyrnuleikur milli landsliða Íslendinga og Dana fór fram á Idrætsparken í Kaupmannahöfn. Danir sigruðu 14:2.
25. ágúst - Foringi Bandaríska nasistaflokksins, George Lincoln Rockwell, var myrtur í Arlington, Virginíu.
25. ágúst - Marburgvírus var einangraður í fyrsta sinn eftir að tugir starfsmanna rannsóknarstofu í Marburg í Þýskalandi veiktust.
27. ágúst - Umboðsmaður Bítlanna, Brian Epstein, fannst látinn í læstu svefnherbergi.
30. ágúst - Thurgood Marshall varð fyrsti þeldökki dómarinn við Hæstarétt Bandaríkjanna.

September

1. september - Ilse Koch, „nornin frá Buchenwald“, framdi sjálfsmorð í fangelsi í Bæjaralandi.
2. september - Brúin yfir Jökulsá á Breiðamerkursandi var vígð og þar með komst Öræfasveit í vegasamband.
2. september - Furstadæmið Sealand lýsti yfir sjálfstæði.
3. september - Hægri umferð var tekin upp í Svíþjóð.
3. september - Nguyễn Văn Thiệu varð forseti Suður-Víetnam.
4. september - Víetnamstríðið: Yfir 100 bandarískir hermenn og 300 norðurvíetnamskir hermenn létust í bardögum í Swift-aðgerðinni.
6. september - Olof Palme varð síðasti kirkjumálaráðherra Svíþjóðar.
10. september - Aðeins 44 af yfir 12 þúsund kjósendum á Gíbraltar kusu með samruna við Spán í þjóðaratkvæðagreiðslu um fullveldi Gíbraltar.
11. september - Sænska kvikmyndin Ég er forvitin - gul var frumsýnd.
15. september - Þjóðgarðurinn í Skaftafelli var stofnaður.
17. september - Hljómsveitin The Doors kom fram í The Ed Sullivan Show á CBS þar sem Jim Morrison söng orðið „higher“ sem hann var beðinn um að gera ekki.
20. september - Farþegaskipið Queen Elizabeth 2 var sjósett.
29. september - Hljómsveitin Tangerine Dream var stofnuð í Vestur-Berlín.
30. september - BBC endurskipulagði útvarpsstöðvar sínar sem fengu nöfnin BBC Radio 1 (áður BBC Light Programme), BBC Radio 2, BBC Radio 3 (áður BBC Third Programme) og BBC Radio 4 (áður BBC Home Service).

Október

Krýningarathöfn Múhameðs Resa Palaví og Farah Diba í Teheran.

1. október - Indland vann sigur í átökunum um Nathu La og Cho La.
4. október - Ómar Alí Saifuddin 3. soldán Brúnei afsalaði sér völdum í hendur sonar síns, Hassanal Bolkiah.
6. október - Skemmtigarðinum Pacific Ocean Park í Suður-Kaliforníu var lokað.
8. október - Che Guevara og skæruliðar hans voru teknir höndum í Bólivíu. Þeir voru teknir af lífi daginn eftir.
10. október - Póstverslunin Hagkaup hóf að selja matvöru í verslun sinni við Miklatorg í Reykjavík með lægri álagningu en áður þekktist.
12. október - Bókin Nakti apinn eftir enska dýrafræðinginn Desmond Morris kom út.
17. október - Söngleikurinn Hárið var frumsýndur í New York-borg.
18. október - 19. teiknimynd Disney í fullri lengd og sú síðasta sem Walt Disney hafði sjálfur umsjón með, Skógarlíf, var frumsýnd.
18. október - Geimkönnunarfarið Venera 4 fór inn í lofthjúp Venus.
19. október - Geimkönnunarfarið Mariner 5 flaug framhjá Venus.
21. október Um 70.000 manns mótmæltu Víetnamstríðinu við Lincoln-minnismerkið í Washington-borg og 50.000 héldu mótmælum áfram við Pentagon.
25. október - Lög um fóstureyðingar 1967 voru samþykkt í Bretlandi.
26. október - Krýningarathöfn Múhameð Resa Pahlavi Íranskeisara fór fram.
26. október - Bandaríski orrustuflugmaðurinn John McCain var skotinn niður yfir Norður-Víetnam og tekinn höndum. Hann var stríðsfangi í fimm ár.
27. október - Charles de Gaulle beitti neitunarvaldi gegn inngöngu Breta í Evrópusambandið í annað sinn.

Nóvember

Bandarískir hermenn í orrustunni um Dak To í Víetnam.

Nóvember - Íslamabad tók við af Karachi sem höfuðborg Pakistans.
3. nóvember - Víetnamstríðið: Bandaríkjaher vann sigur í orrustunni um Dak To þrátt fyrir mikið mannfall.
4. nóvember - Málaliðaher Jean Schramme hörfaði frá Lýðstjórnarlýðveldinu Kongó til Rúanda
6. nóvember - Þing Ródesíu samþykkti lög um kynþáttaaðskilnað.
9. nóvember - Apollo-áætlunin: NASA tókst að flytja ómannaða prufugeimfarið Apollo 4 á braut um jörðu með Saturn V-eldflaug.
10. nóvember - Strákagöng við Siglufjörð voru opnuð.
12. nóvember - Flatey á Skjálfanda fór í eyði.
15. nóvember - Georgios Grivas var kallaður heim til Grikklands ásamt liði sínu eftir að Kýpverski þjóðvörðurinn hafði drepið 27 Kýpur-Tyrki í tveimur þorpum á Kýpur.
26. nóvember - 462 létust þegar fljóðbylgja skall á Lissabon.
27. nóvember - Tvöfalda breiðskífan Magical Mystery Tour með Bítlunum kom út í Bandaríkjunum.
27. nóvember - Omar Bongo varð forseti Gabon við lát Léon M'ba.
30. nóvember - Zulfikar Ali Bhutto stofnaði Pakistanska alþýðuflokkinn.
30. nóvember - Alþýðulýðveldið Suður-Jemen hlaut sjálfstæði frá Bretlandi.

Desember

3. desember - Læknirinn Christiaan Barnard framkvæmdi fyrstu hjartaígræðsluna í Höfðaborg í Suður-Afríku.
5. desember - Barnalæknirinn Benjamin Spock og skáldið Allen Ginsberg voru handteknir í New York-borg fyrir að mótmæla Víetnamstríðinu.
9. desember - Nicolae Ceaușescu varð forseti ríkisráðs Rúmeníu og þar með leiðtogi landins í reynd.
9. desember - Söngvarinn Jim Morrison var handtekinn fyrir að reyna að efna til uppþota á tónleikum The Doors í New Haven í Connecticut.
11. desember - Hljóðfráa farþegavélin Concorde var afhjúpuð í Toulouse í Frakklandi.
14. desember - Konstantín 2. Grikkjakonungur varð að flýja land eftir misheppnaða gagnbyltingu.
17. desember - Forsætisráðherra Ástralíu, Harold Holt, hvarf á sundi í úfnum sjó við Cheviot-strönd.
19. desember - Bandaríski eðlisfræðiprófessorinn John Archibald Wheeler lagði til heitið „svarthol“.
26. desember - Kvikmynd Bítlanna, Magical Mystery Tour var frumsýnd.
28. desember - Borgarspítalinn í Fossvogi var formlega tekinn í notkun.
29. desember - Kóreski bílaframleiðandinn Hyundai Motor var stofnaður.

Ódagsettir atburðir

Síldarkreppan hófst og olli atvinnuleysi og samdrætti í einkaneyslu á Íslandi. Hún náði hámarki árið 1969.
Ástarsumarið átti sér stað í San Francisco í Bandaríkjunum.

Fædd

1. janúar - Felix Bergsson, íslenskur leikari, söngvari og útvarpsmaður.
2. janúar - Jón Gnarr, íslenskur leikari, skemmtikraftur og stjórnmálamaður.
2. janúar - Basile Boli, franskur knattspyrnumaður.
5. janúar - Markus Söder, þýskur stjórnmálamaður.
8. janúar - R. Kelly, bandarískur rappari.
9. janúar - Teitur Örlygsson, íslenskur körfuknattleiksmaður.
14. janúar - Zakk Wylde, bandarískur tónlistarmaður.
16. janúar - Helena Stefánsdóttir, íslenskur leikstjóri.
18. janúar - Anjem Choudary, breskur íslamisti.
18. janúar - Pieter Huistra, hollenskur knattspyrnumaður.
21. janúar - Alfred Jermaniš, slóvenskur knattspyrnumaður.
23. janúar - Magdalena Andersson, sænsk stjórnmálakona.
24. janúar - Phil LaMarr, bandarískur leikari.
25. janúar - David Ginola, franskur knattspyrnumaður.
2. febrúar - Edu Manga, brasilískur knattspyrnumaður.
3. febrúar - Aurelio Vidmar, ástralskur knattspyrnumaður.
4. febrúar - Þorsteinn Guðmundsson, íslenskur skemmtikraftur.
14. febrúar - Mark Rutte, hollenskur stjórnmálamaður.
18. febrúar - Roberto Baggio, ítalskur knattspyrnumaður.
20. febrúar - Kurt Cobain, bandarískur tónlistarmaður (d. 1994).
20. febrúar - David Herman, bandarískur leikari.
20. febrúar - Nenad Maslovar, svartfellskur knattspyrnumaður.
23. febrúar - Tetsuya Asano, japanskur knattspyrnumaður.
25. febrúar - Nick Leeson, breskur verðbréfasali.
26. febrúar - Kazuyoshi Miura, japanskur knattspyrnumaður.
7. mars - Mustapha Ishak Boushaki, alsírskur eðlisfræðingur.
12. mars - Jorge Dely Valdés, panamískur knattspyrnumaður.
13. mars - Andrés Escobar, kólumbískur knattspyrnumaður (d. 1994).
15. mars - Baldur Trausti Hreinsson, íslenskur leikari.
16. mars - John Darnielle, bandarískur tónlistarmaður.
19. mars - Björgólfur Thor Björgólfsson, íslenskur kaupsýslumaður.
23. mars - John Wayne Bobbitt, bandarískur leikari.
29. mars - Margrét Lóa Jónsdóttir, íslenskt skáld og rithöfundur.
30. mars - Gerald McCullouch, bandarískur leikari.
31. mars - Ľubomír Luhový, slóvakískur knattspyrnumaður.
12. apríl - Shinkichi Kikuchi, japanskur knattspyrnumaður.
17. apríl - Birgitta Jónsdóttir, íslenskt skáld og stjórnmálamaður.
21. apríl - Guðmundur Bragason, íslenskur körfuknattleiksmaður.
22. apríl - Víðir Reynisson, íslenskur lögregluþjónn.
23. apríl - Melina Kanakaredes, bandarísk leikkona.
27. apríl - Willem Alexander konungur Hollands.
30. apríl - Fílípp Kírkorov, rússneskur söngvari.
1. maí - Tim McGraw, bandarískur sveitasöngvari.
5. maí - Carlos Alberto Dias, brasilískur knattspyrnumaður.
10. maí - Nobuhiro Takeda, japanskur knattspyrnumaður.
14. maí - Rondey Robinson, bandarískur körfuknattleiksmaður.
18. maí - Heinz-Harald Frentzen, þýskur ökuþór.
29. maí - Noel Gallagher, breskur tónlistarmaður.
6. júní - David Dayan Fisher, enskur leikari.
7. júní - Yuji Sakakura, japanskur knattspyrnumaður.
9. júní - Helgi Hjörvar, íslenskur stjórnmálamaður.
10. júní - Pavel Badea, rúmenskur knattspyrnumaður.
10. júní - Heimir Hallgrímsson, íslenskur knattspyrnumaður.
16. júní - Jürgen Klopp, þýskur knattspyrnuþjálfari.
17. júní - Zinho, brasilískur knattspyrnumaður.
20. júní - Nicole Kidman, áströlsk leikkona.
20. júní - Angela Melillo, ítölsk leikkona.
23. júní - Stella Hjaltadóttir, íslensk skíðagöngukona.
1. júlí - Pamela Anderson, bandarísk leikkona.
2. júlí - Claudio Biaggio, ítalskur knattspyrnumaður.
12. júlí - Rebekka A. Ingimundardóttir, íslensk leikkona.
12. júlí - John Petrucci, bandarískur gítarleikari.
13. júlí - Sóley Elíasdóttir, íslensk leikkona.
16. júlí - Will Ferrell, bandarískur leikari.
20. júlí - Magnús Gylfason, íslenskur knattspyrnumaður.
23. júlí - Philip Seymour Hoffman, bandarískur leikari (d. 2014).
25. júlí - Matt LeBlanc, bandarískur leikari.
8. ágúst - Sung Jae-ki, suðurkóreskur mannréttindafrömuður (d. 2013).
9. ágúst - Ralph Hasenhuttl, austurrískur knattspyrnustjóri.
11. ágúst - Sigursteinn Másson, íslenskur kvikmyndagerðarmaður.
11. ágúst - Joe Rogan, bandarískur þáttastjórnandi.
13. ágúst - Jeanine Áñez, bólivísk stjórnmálakona.
15. ágúst - Tristan Elizabeth Gribbin, íslensk leikkona.
26. ágúst - Illugi Gunnarsson, íslenskur stjórnmálamaður.
5. september - Matthias Sammer, þýskur knattspyrnumaður.
16. september - Hrannar Björn Arnarsson, íslenskur stjórnmálamaður.
18. september - Masami Ihara, japanskur knattspyrnumaður.
19. september - Roland Schimmelpfennig, þýskt leikskáld.
21. september - Faith Hill, bandarísk söngkona.
23. september - Masashi Nakayama, japanskur knattspyrnumaður.
29. september - Lilly Wachowski, bandarískur leikstjóri.
30. september - Ragnheiður Elín Árnadóttir, íslenskur stjórnmálamaður.
8. október - Primož Gliha, slóvenskur knattspyrnumaður.
10. október - Gavin Newsom, bandarískur stjórnmálamaður.
15. október - Gustavo Zapata, argentínskur knattspyrnumaður.
16. október - Marteinn Þórsson, íslenskur kvikmyndaleikstjóri.
16. október - Örn Marinó Arnarson, íslenskur kvikmyndaleikstjóri.
22. október - Carlos Mencia, bandarískur leikari.
26. október - Keith Urban, bandarískur kántrísöngvari.
28. október - Julia Roberts, bandarísk leikkona.
5. nóvember - Judy Reyes, dóminísk leikkona.
7. nóvember - David Guetta, franskur plötusnúður.
9. nóvember - Yoshiro Moriyama, japanskur knattspyrnumaður.
12. nóvember - Takuya Takagi, japanskur knattspyrnumaður.
13. nóvember - Steve Zahn, bandarískur leikari.
23. nóvember - Kristján B. Jónasson, íslenskur útgefandi.
25. nóvember - Hannes Smárason, kaupsýslumaður.
28. nóvember - Anna Nicole Smith, bandarísk fyrirsæta (d. 2007).
30. nóvember - Styrmir Sigurðsson, íslenskur leikstjóri.
2. desember - Júlíus Kemp, íslenskur kvikmyndagerðarmaður.
5. desember - Kjartan Magnússon, íslenskur stjórnmálamaður.
13. desember - Jamie Foxx, bandarískur leikari.
17. desember - Gigi D'Agostino, ítalskur plötusnúður.
19. desember - Guðlaugur Þór Þórðarson, íslenskur stjórnmálamaður.
21. desember - Mikheil Saakashvili, georgískur stjórnmálamaður.

Dáin

3. janúar - Jack Ruby, maðurinn sem drap Lee Harvey Oswald (f. 1911).
14. febrúar - Forugh Farrokhzad, írönsk kvikmyndagerðarkona og skáld (f. 1934).
18. febrúar - J. Robert Oppenheimer, bandarískur eðlisfræðingur, kallaður „faðir atómsprengjunnar“ (f. 1904).
23. febrúar - Sigurður Einarsson í Holti, íslenskur stjórnmálamaður (f. 1898).
5. mars - Múhameð Mossadek, íranskur stjórnmálamaður (f. 1882).
4. apríl - Héctor Scarone, úrúgvæskur knattspyrnumaður (f. 1898).
13. apríl - Friðþjófur Thorsteinsson, íslenskur knattspyrnumaður (f. 1895).
19. apríl - Konrad Adenauer, vesturþýskur stjórnmálamaður (f. 1876).
5. maí - Jón Dúason, íslenskur hagfræðingur (f. 1888).
14. maí - Osvaldo Moles, brasilískur blaðamaður (f. 1913).
22. maí - Langston Hughes, bandarískt skáld (f. 1902).
10. júní - Spencer Tracy, bandarískur leikari (f. 1900).
29. júní - Jayne Mansfield, bandarísk leikkona og fyrirsæta (f. 1933).
7. júlí - Vivien Leigh, bresk leikkona (f. 1904).
21. júlí - Albert Luthuli, suðurafrískur stjórnmálamaður (f. 1898).
22. júlí - Carl Sandburg, bandarískur rithöfundur og skáld (f. 1878).
19. ágúst - Hugo Gernsback, bandarískur útgefandi (f. 1884).
25. ágúst - George Lincoln Rockwell, stofnandi bandaríska nasistaflokksins, myrtur (f. 1918).
27. ágúst - Brian Epstein, umboðsmaður Bítlanna (f. 1934).
19. september - Sigfús Bergmann Bjarnason, íslenskur forstjóri (f. 1913).
7. október - Norman Angell, enskur blaðamaður (f. 1872).
8. október - Clement Attlee, breskur stjórnmálamaður (f. 1893).
9. október - Che Guevara, byltingarmaður og einn af hershöfðingjum Fidel Castro (f. 1928).
17. október - Pu-Yi, síðasti keisari Kína (f. 1900).
19. nóvember - Casimir Funk, pólskur lífefnafræðingur (f. 1884).
9. desember - Haraldur Björnsson, íslenskur leikari (f. 1891).
10. desember - Otis Redding, bandarískur söngvari (f. 1941).
17. desember - Harold Holt, ástralskur stjórnmálamaður (f. 1908).

Nóbelsverðlaunin

Eðlisfræði - Hans Albrecht Bethe
Efnafræði - Manfred Eigen, Ronald George Wreyford Norrish, George Porter
Læknisfræði - Ragnar Granit, Haldan Keffer Hartline, George Wald
Bókmenntir - Miguel Angel Asturias
Friðarverðlaun - Voru ekki veitt þetta árið